دوامداره زده کړه او تلپاتې بريالیتوب

ستونزه دا نه ده چې چا چیرې څه لوستي دي، ستونزه دا ده چې يو څوک دې فکر وکړي دا اتهيا لس کلن تعليم به يې د ټول عمر هرې چارې او هر حالت لپاره کافي وي.

لکه څرنګه چې وخت بدليږي، همداسې له دې وخت سره د مهارتونو، کارونو اجرا او خلکو تمې هم بدليږي، هغه څه چې تاسې څلور پنځه کاله وړاندې زده کړې وي، ښايي له هغې ډير بهتره څه اوس رواج وي.

زده کړه يوه دوامداره پروسه ده، خو څرنګه چې ښوونځي او پوهنتونونه د زده کړې پر خرڅلاوو راڅرخي، خلکو ته دا فکر ورکوي يا تر ډيره خلکو دا فکر اخيستی چې زده کړه يوازې تر همدې دوو محدوده ده، يا له زده کړې هدف یوازې همدا دوه ځايونه يا اړونده موضوعات دي.

د هر مسلک يا آن د ژوند په پيل کې موږ غواړو پر هر څه پوه شو، چې دا چارې راسره ښوونځي يا پوهنتونونه کړي، په ښوونځي کې يې زده کوونکو ته شل پنځه ويشت مضامین په هر ټولګي کې کتار کړې وي، او بیا د پوهنتون په هر سمسټر کې لسو شاوخواوو مضامينو بحثونه وي، خو يو څوک چې هر څومره په کوم مسلک کې وړاندې ځي، هغه تخصصي زده کړو ته اړتيا پيدا کوي.

او تخصصي زده کړې بيا له متخصصينو کيږي، يعنې له هغوی څخه چې د مسلک يا ژوند له هغه چارو تير شوې وي له کومو چې تاسې اوس غواړئ تير شئ، دا زده کړه ښايي د روزنو، کتابونو، لیکنو، ويډيو، او نورو له لارې وي، د نن کمال زده کړې ته په عامه لاسرسي کې دی.

man sitting on chair with book

د نن د ژوند هره چاره، هره وسيله يا هر مسلک چې راواخلئ د زده کړې او نسبتاً پرمختللو وسايلو د کارولو محتاج دی، له بزګرۍ نيولې چې ماشينې شوې تر فضا ته توغندیو ليږلو ټول د ټکنالوژيو او عصري وسايلو محتاج دي، که چيرې د دې مسلکونو وګړي نوي څه زده نه کړي له نورو وروسته پاتيږي، چې همدا وروسته پاتيدل د نورو د پرمختګ سبب ګرځي، که هغه شخص وي، اداره وي يا هيواد ټولو لپاره صدق کړي.

نوکیا يې ډيره ښه بيلګه ده، هغوی يو وخت د نړۍ له اويا فيصده ډير ګرځنده ټليفونونه جوړول، يو وخت ټول د ګرځنده ټليفون ټول صنعت د دې شرکت پر نامه ياديده، خو بیلابيلې څيړنې وايي او د دوی مشر هم ومنله چې موږ هر څه سم کول، خو دوامداره زده کړه او په کارکوونکو کې مو د نوي څه زده کول ونه وهڅول، له ابتکاراتو وروسته پاتې شو، نن دا شرکت ډير وروسته پاتې دی، سره لدې هغه څه چې دوی جوړول اوس يې هم په ښه کيفيت جوړوي، خو مشتريان يې نه اخلي، نورو شرکتونو او محصولاتو يې بازار نيولی دی.

د هيوادونو بحث راواخلئ، داسې ګڼل کيږي چې له امپراطورۍ څخه د انګستان لويدلو يو اساسي دليل پر ابتکاراتو سترګې پټول وو، نوي څه يې نه زده کول، سره لدې چې د انګريزانو د امپراطورۍ پخوانی کبر او دوه مخي اوس هم پاتې ده، خو هغه امپراطوري چې يو وخت يې ویل لمر پکې نه ډوبيږي اوس يوازې دوه ګوتې په سياسي توګه لار ورکي هېواد ورپاتې ده.

د نن د سيالانو په نړۍ کې تاسې په خپله لار سم هم روان اوسئ، بيا هم درڅخه نور مخکې کيږي، په عمومي توګه، بيوزله هيوادونه او وګړي يې پوهې ته اړونده د اړتيا وړ زيرمې نه ځانګړې کوي، بيوزله شخص ته د ځان يا اولاد له باسواده کولو نور مهم ډير کړاوونه پراته وي، خو له زده کړې چاره نه لري.

همدې سره، مسلکي اشخاص آن که اقتصادي ننګونې وهم نه لري، له پوهنتونه له فارغيدو وروسته زده کړو ته شا اړوي، او له يوې مودې وروسته له نورو وروسته پاتې کيږي، سره لدې چې ډير ښايي فکر وکړي چې دنده لرم، کار مې روان دی، نورو زده کړو ته اړتيا نه لرم، خو دا يوازې ځان ته ګوري، شاوخوا ته پام نه کړي چې د وخت له تيريدو سره له نورو وروسته پاتې کيږي.

د برياليتوب په مزل کې يو عام منل شوی اصل دی چې، خلک له ناکامۍ بریالیتوب ته په آسانه رسيږي، خو لوړ بریاليتوب ته بیا ځان نه شي رسولی، او دليل يې نسبي برياليتوب ته له رسيدو وروسته خلک لټيږي، اړونده زيار پريږدي او فکر کړي چې ځان يې له ناکامیو راوويست او همداسې به ښايي مخ په وړاندې مزل وکړي، خو د ده زحمت خلاص نه دی، داسې ګڼل کيږي چې بریاليتوب آسانه دی خو بریالي پاتې کيدل ستونزمن دي.

همدا د نجونو پر وړاندې د ښوونځيو بندول درواخلئ، چارواکي به يې خلاص کړي، دا ټول د دوی له تعليم څخه سياسي ګټې اخيستل دي، خو دا يو يا له هغې وړاندې يو کال چې ضايع شو، د دې پوښتنه به له چا کړو، يا د دې چارواکو د لنډ فکر او عقدوي پریکړو له کبله چې د ملت او وطن په توګه موږ تاوان وکړ او له نورو وروسته پاتې شو، د دې ځواب به څوک وايي.

gold and silver round ornament

هیڅ يو عمل د شخص دوامداره برياليتوب نه تضمينوي، ژوند دوامداره هڅه ده، برياليتوب يو بدلیدونکی تعريف دی، هغه څه چې تاسې ته په ښوونځي، پوهنتون يا لومړۍ دنده کې برياليتوب وو نن نه دی، او که چيرې نن هم پر هماغه فکر ياست، نو بیا مو خپل اهداف نه دي ارزولي.

دوامداره هڅه د دوامدار برياليتوب سبب ګرځي، ستاسې هڅه ستاسې د ودې او پرمختګ تيل دي، هر کله چې مو تيل کم کړل، منډه مو سستيږي، ځان پوه کړئ چې په مسلک کې مو څه د بریاليتوب سبب ګرځي، دا څه څرنګه زده کولای شئ او له زده کړې وروسته يې څرنګه عملي کوئ.

ورته ليکنی: منطق او پريکړې، پريکړه او پايلې، د ظرفيت خلا، پوهه: پر کومه بيه، پر نورو ځان لوړ ګڼل د جهل علامه ده، د نامعلوم قبلولو ويره



ټولي:Leadership, Management, Social

ټگونه:, , , , , , , , ,

2 replies

Trackbacks

  1. آسانتيا که مهارت – مشري || ټکنالوژي || مديريت|| بدلون
  2. لياقت او شخصيت  – مشري || ټکنالوژي || مديريت|| بدلون

ځواب دلته پرېږدئ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  بدلون )

Twitter picture

You are commenting using your Twitter account. Log Out /  بدلون )

Facebook photo

You are commenting using your Facebook account. Log Out /  بدلون )

Connecting to %s

This site uses Akismet to reduce spam. Learn how your comment data is processed.

%d bloggers like this: