د برياليتوب اوږد مزل

د ژوند بريالي خلک اوږده منډه وهي، ځان يې د اوږد مزل لپاره تيار کړی وي، دوی پوهيږي چې په اخيره کې له ژونده څه غواړي، که څوک پوه نه شي چې څه غواړي نو که هلته وه هم رسيږي بيا به هم نارامه وي. دې اوږد مزل فکر او خپلو اهدافو ته رسيدو لپاره په کتابي ژبه کې د ستراتيژيو اصطلاح کاريږي، د ستراتيژيو تر ټولو آسانه او ښه تعريف په شتو وسايلو د خپلې خوښې آيندې رامنځ ته کول دي.

يعنې لومړی تاسې دا ټاکۍ څه غواړم او چيرې ولاړ شم، بيا ګورئ چې هلته مزل لپاره څه په واک کې لرم، او دريېم څرنګه پوهيږم چې هلته ورسيدم، يعنې خپل برياليتوب تعريفوئ، او هغې لور ته هره ورځ مزل کوئ.

ستراتيژئ دې ضرور نه ده چې يوازې ادارو يا دولتونو پورې محدودې وي، هر شخص بايد خپل ژوند لپاره هم يوه کړنلاره ولري، زموږ د اکثرو ژوند له پوهنتونه فارغيدو او ځان ته يوه روزګار له پيدا کولو سره ختميږي، بیا هماغه سهار اوتو کړی کار ته راځي او ماښام کور ته روان وي، هغوی چې له بيکارۍ ځوريږي هم همدا غواړي چې سهار يو چیرې ولاړ شي او ماښام کور ته روان وي.

په تاريخي لحاظ د ستراتيژيو جوړول نظامي اړخ لري، او تر ډيره د جګړې مشرانو ترې کار اخيسته، خو وروسته يې ساحه پراخه شوه او هر چا وغوښتل چې له نظاميانو يې زده کړي. جګړه له خپلو نيمګړتياوو او تاوانونو سره يوه ګټه لري چې بريا او نتيجه پکې ډيره څرګنده وي، او همدا وجه ده چې نظاميانو به ويل چې پر هره معنا وي موږ بايد خپلې نتيجې ته ورسيږو، چې هغه د دښمن په نظامي توګه ماتول وو.

people jumping on shore front of golden hour

خو، په ملکي ژوند کې د ټوپک ډز په څير هر څه څرګنده نه وي، اکثره وختونه هغوی چې يو برياليتوب ته ورسيږي، د بلې چارې پيلول ورته بيا ستونزمنيږي، يا داسې فکر وکړئ په برياليتوب کې يا د برياليتوب په موقف کې د تګ يوازينۍ لار مخ په وړاندې نور برياليتوب په لور تګ دی، که چيرې دا خلک پر خپل ځای هم پاتې شي ځان ورته وروسته ښکاري او که مخ په ټيټه راشي خو نو بيا يې هم ټول ناکامه بولي.

د نن ژوند له ډيرو اخلالوونکو سره مخ دی، پر يوه کليک د نړۍ هر ګوډ خبرونه او احوال خلکو ته رارسيږي، چې په داسې حال کې اوږدمهال لپاره فکر کول ستونزمنيږي، د ټکنالوژيو اغيزې له کبله سمدستي نتيجه غواړو، که پيغام استوو، زنګ وهو، فيسبوک ته کيږو، هر څه چې وي بايد سمدستي وشي.

که د اوږدمهال لپاره درته فکر سخت وي، نو دې ته فکر وکړئ چې اوس چيرې ياست او له کومو کنډو کپرو راتير شوي ياست، د ښوونځي لومړئ ورځ، د کوڅې لومړۍ جنګ، د ښوونکي لومړی ډب، لومړی کتاب، لومړۍ ليکنه او داسې نور ډير څه مو ښايي هیڅ ياد هم نه وي، خو ترې تير شوي ياست، که اولاد لرئ، د هغوی ژوند ته وګورئ همدا ګامونه تاسې هم تير کړي دي.

سبا به بيا د ننژوند ته وروسته ګورئ، اکثره خلک غواړي يو ځای ته ورسيږي، که پيسه وي، شهرت، مقام يا بل څه، خو پر څرنګه يې فکر نه کړي.

برياليتوب يا اهدافو ته رسيدل څرګنده تعريف او اندازه کيدونکي واحدونه غواړي، څرګنده تعريف په دې معنا کې زما برياليتوب به څه ډول وي، کله چې زه ورورسيدم څه بايد ولرم، که پيسه غواړئ اندازه يې بايد معلومه وي او ورسره بايد پر دې هم پوه شئ چې ولې يې غواړئ.

ورسره دوهم بحث د اندازه کيدونکو واحد دی، لکه څرنګه چې ژوند ورځ په ورځ تيريږي، ماشوم له وخت تيريدو سره ستريږي، اهدافو ته رسيدل هم هره ورځ کار غواړي، هره ورځ، اونۍ، مياشت بايد تاسې پوه شئ چې څه ما خپلو اهدافو ته رسوي، ګام په ګام بايد پوه شئ چې تاسې پر سمه لار سم لور ته روان ياست او که چيرې د اصلاح اړتيا وي نو کولای شئ خپل لور بدل کړئ خو اهداف مو بايد پر ځای وي.

empty road

انساني ژوند له کوچنيو ګام په ګام چارو لوړو اهدافو ته رسيدل دي، سره لدې چې ستر اهداف لرل ښه دي، خو آیا هغه شخص چې دا اهداف غواړي د هغې بيې پرې کولو ته هم زړه کوي، دا بيې ښايي دوامداره کار، د خپل ژوند منظمول، بې ځايه عادتونو او تعلقاتو څخه ډډه او په دوامداره توګه داسې يو څه په لور کار کول وي چې ښايي ډيرو ته ليونتوب ښکاره شي.

موږ د نن ورځې د خرابۍ له کبله ټول ژوند خراب ګڼو، پر خپلو پخوانيو لاسته راوړنو او احسانونو سترګې پټوو او راتلونکي په اړه ناهيلې کيږو، که پرون تير شو، نن به هم تير شي، خو تاسې سبا ته له کوم فکر سره ځئ، يا د پخواني يوناني فيلسوف سنيکا پر وينا (نيکبختي د تيارئ له فرصت سره ليدل دي)، نيکبخته هغوی دي چې د فرصت پر مهال تيار وي، او تياري پر ځان دوامداره کار دی.

هغوی چې د برياليو خلکو ژوند ته ګوري، يا د نورو د ژوند د آسانيو او سهولتونو ارمانونه کړي، دې ته نه ګوري چې دې خلکو څومره زحمتونه کاږلي، له څومره ازميښتونو راتير شوي، او نن هم له څومره ستونزو سره مخ دي، خو يوازې موږ يې بهر ګورو.

پر دې پوښتنه يې رانغاړو: که سبا مو ژوند بدل شي هغه به څنګه وي، آیا خپل برياليتوب مو تعريف کړی، او د هغې بيې او زحمتونو پرې کولو ته تيار ياست؟

ورته ليکنی: د برياليتوب تعريف که معیار، ګړندئ اغېزه، منطق او پريکړې، پريکړه او پايلې، د ظرفيت خلا، پوهه: پر کومه بيه، د نامعلوم قبلولو ويره



ټولي:Leadership, Social

ټگونه:, , , , , , ,

ځواب دلته پرېږدئ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  بدلون )

Twitter picture

You are commenting using your Twitter account. Log Out /  بدلون )

Facebook photo

You are commenting using your Facebook account. Log Out /  بدلون )

Connecting to %s

This site uses Akismet to reduce spam. Learn how your comment data is processed.

%d bloggers like this: